काठमाडौं । नेपाल क्रिकेट संघ (क्यान) ले आधिकारिक ‘ए’टीम घोषणा गर्ने भएको छ । बिहीबार पत्रकार सम्मेलनमा बोल्दै क्यानका सचिव पारस खड्काले सो बारे जानकारी गराएका हुन् ।
प्रधानमन्त्री कपलगत्तै ‘ए’ टीमको घोषणा गरिने उनले बताए । राष्ट्रिय टीमको ब्याक टु ब्याक धेरै म्याच भएकाले ‘ए’ टीम एकदमै जरुरी रहेको उनको भनाई छ ।
यस्तै, क्यानले नेपालले खेल्ने अन्तर्राष्ट्रिय र राष्ट्रिय प्रतियोगितालाई समावेश गरेर क्यालेण्डर वार्षिक क्यालेण्डर सार्वजनिक गरेको छ । जसअनुसार माघको अन्तिम साता नेपालले क्यानडासँग एक दिवसीय क्रिकेट सिरिज खेल्ने छ । तीन खेलको उक्त सिरिज नेपालमा हुनेछ ।
क्यानडासँगको एक दिवसीय क्रिकेट लगत्तै नेपालले नामिबिया र नेदरल्याण्ड सम्मिलित त्रिदेशीय टी-२० शृंखला आयोजना गर्ने छ । त्यस्तै, सचिव खड्काले मंसिरमा नेपाल प्रिमियर लिग एनपीएल क्रिकेट आयोजना गर्ने बताएका छन् ।
