काठमाडौं । प्रमुख प्रतिपक्षी नेकपा एमाले निकट विद्यार्थी संगठन अनेरास्ववियुले स्थानीय तहको चुनावको मिति चाँडै तोक्न माग गर्दे प्रधानमन्त्रीको ध्यानाकर्षण गराएको छ । अनेरास्ववियुले निर्वाचनको मिति तय गर्न सरकारको ध्यानाकर्षण पत्र गराएको निर्वाचन आयोगको पत्र प्रधानमन्त्रीको सरकारी निबास बालुवाटारमा पुर्योएको हो ।
अनेरास्ववियुकी अध्यक्ष सुनिता बराल सहितको टोलीले आज बिहान निर्वाचन आयोग कान्तिपथ बाट मार्चपाससहित बालुवाटार पुगेर प्रधानमन्त्रीको सचिवालयमा पत्र बुझाएको हो । अनेरास्ववियुको टोलीले प्रधानमन्त्री कार्यलय कन्ट्रोलका उपसचिव जनकराज भट्ट मार्फत ध्यानाकर्षण पत्र बुझाएको हो ।स्थानीय निर्वाचनको मितिका तोक्न माग गर्दे अनेरास्ववियुले केही दिनदेखि देशव्यापी दवाबमुलक कार्यक्रम गर्दे आईरहेको छ ।
