एजेन्सी । दुधलाई पूर्ण आहार मानिन्छ । यसलाई स्वास्थ्यका लागि निकै फाइदाजनक मानिन्छ । यसमा क्याल्सियम र प्रोटिनको मात्रा उच्च हुन्छ । जसले शरीरलाई धेरै रोगबाट बचाउँछ ।
दुधलाई थप पौष्टिक बनाउन मानिसहरु यसमा धेरै कुराहरु थप्ने गर्दछन् तर के तपाईलाई थाहा छ आयुर्वेदमा दुधसंग केहि चीजहरु खानु निषेध गरिएको छ । दुध पिएपछि यी चिज खाँदा पित्तदोष बढ्छ भनिन्छ । आउनुहोस् जानौं दुधमा कुन चिजबाट बच्नुपर्छ ।
माछा र दुधबाट बच्नुहोस्
दुधको प्रकृति चिसो हुन्छ भने माछाको प्रकृति तातो हुन्छ । यसलाई सँगै खाँदा शरीरमा धेरै समस्या आउन सक्छ । यसका अलावा कुखुरा र रातो मासुसँग पनि दुध खानबाट जोगिनुपर्छ, किनकि यसले पाचन सम्बन्धी समस्या निम्त्याउन सक्छ र पेट फुल्ने समस्या पनि हुन सक्छ ।
केरा र दुध नखानुहोस्
हामी सबैलाई थाहा छ दुध र केरा स्वास्थ्यका लागि निकै फाइदाजनक मानिन्छ । यदि तपाई थकित महसुस गर्नुहुन्छ भने, तपाइँ आफ्नो आहारमा केरा र दुध समावेश गर्न सक्नुहुन्छ । यसबाट शरीरमा उर्जा आउँछ तर के तपाईलाई थाहा छ, दुध र केरा सँगसँगै खाँदा पाचन सम्बन्धी समस्या हुन सक्छ ।
दही र दुध सँगै नखाने
आयुर्वेदका अनुसार दुध र दही एकसाथ खानु हुँदैन । यदि तपाइँ यसलाई सँगै खानुहुन्छ भने तपाइँको पेट खराब हुन सक्छ, त्यसैले दुध र दही सँगै खानु हुँदैन ।
गुड खानु
प्रायः मानिसहरू दुधमा चिनीको सट्टा गुड मिसाउँछन् । यो एक स्वस्थ विकल्प हो, तर आयुर्वेदमा, दुधसँग गुड सेवन पेटका लागी हानिकारक भनिएको छ ।
