एजेन्सी । अंग्रेजी नयाँ वर्ष सुरु हुन अब पाँच दिन मात्रै बाँकी छ । सन् २०२३ लाई बिदाइ र सन् २०२४ लाई भव्य स्वागत गर्न लागिएको छ । सोमबार क्रिसमस पर्व मनाइयो । मानिसहरु नयाँ वर्षको भव्य स्वागतको तयारीमा जुटेका छन् । सबैले आ–आफ्नो तरिकाले मनाउने गर्छन् ।
बलिउडमा पनि नयाँ वर्ष मनाउने तयारी भइरहेको छ । नयाँ वर्ष सुरु गर्न धेरै जोडीहरू मुम्बई बाहिर गएका छन् । साथै, कसैले आफ्नो नयाँ वर्ष मनाउन विदेश छनोट गरेका छन् । सोमबार राति, बी–टाउनको मनमोहक जोडी कियारा आडवाणी र सिद्धार्थ मल्होत्रा लगायत धेरै सेलिब्रेटीहरू मुम्बई एयरपोर्टमा देखिए ।
सिद्धार्थ र कियारा सोमबार राति मुम्बई एयरपोर्टमा देखिएका थिए । यो जोडी विवाहपछिको नयाँ वर्ष मनाउन लागेका छन्, जसका लागि दुवै जना निकै खुसी छन् । यो जोडी आफ्नो नयाँ वर्ष विदेशमा मनाउन लागेको बताइएको छ । तर, उनीहरुको बिदाको गन्तव्य भने खुलाइएको छैन । यस क्रममा दुवै क्याजुअल लुकमा देखिए ।
आलिया भट्ट र रणवीर कपुरले आफ्नो परिवारसँग क्रिसमस पर्व मनाए । मंगलबार बिहान मुम्बईको कलिना एयरपोर्टमा दम्पतीलाई छोरी राहासँग भेटिएको थियो । यो जोडी विदेश पनि गएको बताइएको छ । यद्यपी आलिया र रणवीर कहाँ छुट्टी मनाउन गइरहेका छन् भन्ने कुनै पुष्टि भएको छैन ।
शाहिद कपुर पत्नी मीरा राजपूतसँग छुट्टी मनाउन गएका छन् । नयाँ वर्ष मनाउने ठाउँ भने खुलाइएको छैन ।
बलिउडका कपूर दिदीबहिनीहरु पनि छुट्टी मनाउन गएका छन् । खुशी र जान्हवी कपूरलाई मंगलबार बिहान मुम्बई एयरपोर्टमा देखियो ।
