एजेन्सी । भारत र दक्षिण अफ्रिकाबीचको दुई टेस्ट म्याचको सिरिजको पहिलो खेल आजदेखि सेन्चुरियनमा सुरु हुँदैछ । दक्षिण अफ्रिकाले टस जितेर बलिङ गर्ने निर्णय गरेको छ ।
सुपरस्पोर्ट पार्क मैदानमा दिउँसो १ः४५ बजे खेल सुरु हुने भनिएपनि वर्षाका कारण टस ढिलो भएको थियो । फास्ट बलर प्रसिद्ध कृष्णले भारतका लागि टेस्ट डेब्यु गर्दैछन् । दक्षिण अफ्रिकाबाट नान्द्रे बर्गर र डेभिड बेडिङह्यामले टेस्ट डेब्यु गर्ने मौका पाएका छन् । रविन्द्र जडेजा चोटका कारण प्लेइङ–११ मा परेका छैनन् ।
भारतीय टोलीले दक्षिण अफ्रिकामा अहिलेसम्म एउटा पनि टेस्ट सिरिज जित्न सकेको छैन । विश्व टेस्ट च्याम्पियनसिप (डब्लुटीसी)को फाइनलमा पुग्न दुवै टोलीका लागि यो शृङ्खला महत्त्वपूर्ण छ ।
भारतः रोहित शर्मा (कप्तान), यशस्वी जैसवाल, शुभमन गिल, विराट कोहली, श्रेयस अय्यर, केएल राहुल (विकेटकिपर), आर अश्विन, शार्दुल ठाकुर, जसप्रित बुमराह, मोहम्मद सिराज र प्रसिद्ध कृष्ण ।
दक्षिण अफ्रिकाः टेम्बा बाभुमा (कप्तान), डीन एल्गर, एडेन मार्कराम, टोनी डिजर्ज, किगन पिटरसन, डेभिड बेडिङहम, काइल वेरियन (विकेटकीपर), मार्को यान्सन, कागिसो रबाडा, जेराल्ड कोएत्जी, नान्द्रे बर्गर ।
