काठमाडौं । नेपालका लागि श्रीलंकाका राजदूत शुदर्शना के पाथिराना नेपाल भ्रमणमा रहेका श्रीलङ्काका परराष्ट्रमन्त्री मोहम्मद उभियास मोहम्मद अली साब्रीलाई लिएर शुक्रबार चन्द्रागिरी पुग्नुभएको थियो । त्यसक्रममा विदेशमन्त्री खुबै रमाउनुभयो, सेल्फी लिनुभयो केबलकार चढ्नुभयो र फर्कनुभयो ।
तर राजदूत पाथिरानालाई त्यहाँको सुन्दरतामा रमाउन पुगेनछ । चन्द्रागिरिले उहाँलाई यति धेरै मोहित बनाएछ कि परराष्ट्रमन्त्री साब्रीलाई बिदाई गरेपछि उहाँ शनिबारै सपरिबार पुन: चन्द्रागिरी पुग्नुभयो ।
उहाँको त्यो चाखलाई शुक्रबार र शनिबार मौसमले पनि साथ दियो । काठमाडौंं उपत्यका, चित्लाङ र यहाँबाट देखिने हिमशृंखलाले उहाँ मोहित हुनुभयो । यससँगै राजदुत साब्रीले जीपलाइन, स्काई साइकिलिङ , स्वीङ्गको आनन्द बडो मज्जाले लिनुभयो ।
पहिले सैनिक सेवामा रहेका उहाँलाई यस्ता खेलकूद तथा साहसिक पर्यटनमा खुब शाेख रहेछ । शनिबार न्युजपोलारका प्रतिनिधि चन्द्रागिरि पुगेका बेला उहाँले भन्नुभयो– अलौकिक ठाउँ रहेछ, मलाई थाहा थिएन । आज विदाको दिन पुन: आएँ ।
उहाँ सैनिक सेवापछि कुटनीतिज्ञका रुपमा करिब दुईसाता अघि मात्र नेपाल आउनु भएको हो । सपरिवबार त्यहाँ पुग्नुभएका साब्रीको आइतबार बिहान हाईकिङमा जाने तयारी छ ।
राजदूतपाथिरानालाई त्यहाँको ऐतिहासिक, धार्मिक तथा पर्यटकीय महत्वका बारेमा चन्द्रागिरी हिल्सका निमित्त महाप्रबन्धक श्याम तण्डुकारले जानकारी गराउनुभएको थियो ।
चन्द्रागिरि हिल्स दक्षिण एशियाकै एक महवपूर्ण पर्यटकीय र धार्मिक गन्तव्यका रुपमा विकास भइरहेको छ । सो हिल्समा केबलकार चढेर यसअघि पनि विभिन्न देशका सरकारप्रमुख तथा राष्ट्राध्यक्षका साथै अन्तर्राष्ट्रिय व्यक्तित्वहरु पुग्नुभएको छ ।
यसअघि यहाँ चिनियाँ विदेश मन्त्री वाङ यी पनि पुग्नुभएको थियो । विदेशमन्त्री यीले यहाँबाट केही तलसम्म ट्रेकिङ पनि गर्नुभएको थियो ।
