काठमाडौँ । सशस्त्र प्रहरीले बाँकेमा कस्तुरीको बिना जस्तै देखिने वस्तु बरामद गरेको छ ।
नेपालगञ्ज उपमहानगरपालिका–१५ जमनाहस्थित भन्सार इलाकाबाट सशस्त्र प्रहरीले बिहीबार कस्तुरीको बिना जस्तै देखिने वस्तु बरामद गरेको हो । बरामद बस्तु खैरो, कालो र रातो रङको छ । यसको तौल ५ वटाको ८१ ग्राम रहेको छ ।
भारतबाट नेपालतर्फ आउँदै गरेका व्यक्तिले सशस्त्र प्रहरीलाई देख्न साथै आफूले बोकेको झोला फालेर भागेका थिए । उनले फालेको झोला जाँच गर्ने क्रममा कस्तुरीको बिना जस्तो देखिने वस्तु फेला परेको हो । उक्त वस्तु आवश्यक अनुसन्धान कारबाहीका लागि डिभिजन वन कार्यालय बाँकेमा बुझाइएको बताइएको छ ।
