काठमाडौँ । १४ किलो सुन प्रकरणमा त्रिभुवन अन्तर्राष्ट्रिय विमानस्थलमा कार्यरत सरसफाइ सुपरभाइजर पक्राउ परेका छन् ।
घटनाबारे छानबिन गर्न सुपरभाइजरलाई नियन्त्रणमा लिईएको भन्सार विभागका महानिर्देशक शोभाकान्त पौडेलले जानकारी दिए ।
मङ्सिर २१ मा त्रिभुवन अन्तर्राष्ट्रिय विमानस्थलमा दुबईबाट ल्याईएको १४ किलो सुनसहित गोरखा बारपाक घर भएका ४५ वर्षीय चन्द्र घले पक्रउ परेका थिए ।
चन्द्र घलेको बयानमा प्रहरीले सोहि दिन मीनबहादुर घलेलाई पनि प्रहरीले पक्राउ गरेको थियो । चन्द्र घलेले यसअघि पनि सुन ल्याउने गरेका प्रारम्भिक अनुसन्धानमा खुलेको छ । उनलेले दुबईबाट सुन ल्याउँदा एक पटकमा ६० हजार पाउने गरेको बताईएको छ ।
दुबईबाट ल्याएको सुन आगमन कक्षको डस्टबिनमा फालेर विमानस्थलबाट बाहिर ल्याउने गरिएको अनुसन्धानबाट खुलेको छ । डस्टबिनमार्फत सुन बाहिर ल्याउन ‘सेटिङ’ मा संलग्न रहेको देखिएपछि छानबिनको लागि सरसफाइ सुपरभाइजरलाई पक्राउ गरिएको हो ।
घटनाबारे छानबिन गर्न विमानस्थल भन्सार कार्यालयका उप–सचिव मणिराम पौडेलको नेतृत्वको समितिले छानबिन गरिरहेको छ ।
