एजेन्सी । वुमन्स प्रिमियर लिग (डब्लुपीएल) को लिलामी शनिबार मुम्बईमा आयोजना गरिएको थियो । यस अवसरमा भारतीय क्रिकेट कन्ट्रोल बोर्ड (बीसीसीआई)का सचिव जय शाहले इन्डियन प्रिमियर लिग (आईपीएल) बारे कुरा गरे ।
शाहले आईपीएल मार्च २०२४ को अन्त्यमा सुरु भई मेको अन्तिम साता वा जुनको पहिलो साता समाप्त हुने पुष्टि गरेका छन् ।
बीसीसीआईका अनुसार आईपीएलको लिलामी डिसेम्बर १९ मा दुबईमा हुनेछ, जसका लागि कुल ११६६ खेलाडीले आफूलाई दर्ता गरेका छन् ।
यो लिलामी पहिलो पटक भारतबाहिर हुनेछ । १० टोली मिलेर २६२.९५ करोड रुपैयाँ खर्च गर्नेछन् र ११६६ खेलाडीमा बाजी मार्नेछन् । कुल ७७ स्लट भरिनेछ, जसमा ३० विदेशी खेलाडीहरू समावेश हुनेछन् ।
