काठमाडौं । त्रिदेशीय फुटबल प्रतियोगिताको उपाधि विजेता नेपाली टोलीका खेलाडीलाई अखिल नेपाल फुटबल सङ्घ (एन्फा)ले जनही एक लाख पुरस्कार दिने भएको छ ।
एन्फाले आज (मंगलबार) विज्ञप्ति जारी गर्दै पुरस्कार दिने घोषणा गरेको हो ।
दशरथ रङ्गशालामा सोमबार सम्पन्न फाइनल खेलमा आयोजक नेपालले बङ्गलादेशलाई २–१ गोल अन्तरले पराजित गर्दै उपाधि रक्षा गरेको थियो । नेपालका लागि सञ्जोग राई र विशाल राईले एक/एक गोल गरेका थिए ।
नेपालले ३७ वर्षपछि घरेलु मैदानमा उपाधि जित्न सफल रह्यो । विजेता भएबापत नेपाली टोलीले पाँच हजार अमेरिकी डलर पुरस्कार प्राप्त गरेको छ भने उपविजेता बङ्गलादेशले तीन हजार डलर पुरस्कार प्राप्त गर्यो ।
