काठमाडौं । त्रिभुवन अन्तर्राष्ट्रिय विमानस्थलबाट १४ किलोग्राम केजी सुन बरामद भएको बारे छानबिन गर्न ६ सदस्यीय समिति गठन गरिएको छ ।
प्रमुख भन्सार अधिकृत मनिराम पौडेल संयोजकमा ६ सदस्यीय समिति गठन गरिएको विमानस्थल भन्सार कार्यालयका महानिर्देशक टोकराज पाण्डेले जानकारी दिए । उक्त समितिमा पौडेलसँगै डीएसपी सूर्यप्रकाश सुवेदी, भन्सार अधिकृतहरू प्रकाश निरौला, डिल्लुप्रसाद शर्मा, लोकराज ढुंगाना र शाखा अधिकृत मञ्जु थापा समेत रहेका छ ।
गए राति फ्लाइ दुबईको उडान नं एफजेड–५७३ बाट आएका गोरखाका मीनबहादुर घलेलाई छातीको दायाँबायाँ कपडामा बेरेर लुकाइछिपाई ल्याएको सात थान बिस्कुट आकारको १४ किलोग्राम सुनसहित (सुनजस्तो देखिने पहेलो धातु) पक्राउ गरिएको छ । उनको बयानको आधारमा गोरखाकै मीनबहादुर घलेलाई पनि पक्राउ गरिएको छ ।
उक्त सुन परीक्षणका लागि भन्सार विभाग पठाइएको छ ।
