काठमाडौं । राष्ट्रिय स्वतन्त्र पार्टी (रास्वपा) ले एनसेलको शेयर बिक्रिले उजागर गरेको आर्थिक कुशासन र लगानीको बिकर्षणबारे नीतिगत समिक्षा गर्न माग गर्दे प्रतिनिधिसभा अन्तरगतको अर्थ समितिमा निबेदन दर्ता गराएको छ ।
रास्वपाका उपसभापति तथा सांसद डा स्वर्णीम वाग्लेले आर्थिक कुशासन र रेपुटेसनल कस्ट, कर लाईसन्स र शेयर बिक्रीको अभिलेखबारेको अन्योल, प्रत्यक्ष लगानी र डिजीटलाईजेनसको भविव्यका बारेमा नीतिगत छलफल गर्नमा गर्दे समितिमा निबेदन दिनु भएको हो ।
समितिका सभापति सन्तोष चालिसेले आगामी बैठकमा यस बिषयमा छलफल हुने जानकारी गराउनु भएको छ ।
आजै मात्र रास्वपा सभापति रवि लामिछानेले एनसेलको शेयर किनबेचमा नेताहरूले पैसा खाएको आशंका गर्नुभएको छ । सामाजिक सञ्जालमा एक स्टाटस लेख्दै उनले कर तिर्न नपर्ने आश्वासन दिएर दलका नेताले रकम खाएको भन्दै छानबिनका लागि तयार हो रु भन्दै प्रश्न समेत गरेका गर्नुभएको थियो ।
