एजेन्सी । बलिउड महानायक अमिताभ बच्चनले दिल्लीमा रहेको आफ्नो पुर्ख्यौली घर बेचेका छन् ।
दिल्लीस्थित पिता हरिवंश राय बच्चन र आमा तेज बच्चन बसेको घर अभिताभले बेचेका हुन् ।
अमिताभको दिल्लीको घरको नाम सोपान थियो । उनले उक्त घर २३ करोड भारुमा बेचेका हुन् ।
गुल्मोहर पार्कमा रहेको घर अमिताभले महंगो मूल्यमा किन बेचे भन्ने खुलेको छैन ।
अमिताभ मुम्बई आएपछि उनका माता–पिता पनि उनीसँगै आएका थिए । घर पुरानो भएकाले पनि अभ्नीले अब यसलाई नयाँ ढंगले तयार पार्ने बताएका छन् ।
अमिताभको मुम्बईमा मात्रै चारवटा घर रहेका छन् । जसमध्ये अमिताभ र उनको परिवार जलसामा बस्छन् ।
