काठमाडौं । संखुवासभाको मादी नगरपालिकाबाट धरानतर्फ जाँदै गरेको बस दुर्घटना भएको छ । उक्त बस दुर्घटना धर्मदेवी नगरपालिका–४ मा भएको हो ।
उक्त बस दुर्घटनामा ३२ यात्रु घाइते भएका छन् भने १३ जनाको अवस्था गम्भीर रहेको ईलाका प्रहरी कार्यालय चैनपुरका प्रहरी निरिक्षक योगराज खतिवडाले जानकारी दिनुभयो।
दुर्घटनामा परेको १९ जनाको प्राथमिक स्वास्थ्य केन्द्र चैनपुरमा उपचार भइरहेको र गम्भीर घाईते १३ जनाको सुनसरीको बिपी स्वास्थ्य विज्ञान प्रतिष्ठान धरान पठाइएको प्रहरीले जनाएको छ।
शुभम डिलक्स को १ख २८२४ नम्बर रहेको बस दुर्घटनामा परेको हो । हालसम्म बस चालक र सहचाकल फरार रहेका छन्।
