काठमाडौँ । नेपाल सुपर लिग (एनएसएल)फुटबलमा आज आइतबार स्पोर्टिङ इलाम एफसी र एफसी बुटवल लुम्बिनीले प्रतिस्पर्धा गर्दैछन् ।
दुई टोलीबीचको खेल त्रिपुरेश्वरस्थित दशरथ रंगशालामा ५ः३० बजे सुरु हुनेछ । यसअघि दुई खेलमा हार ब्यहोरेको बुटवल लुम्बिनी पहिलो जितको खोजीमा छ ।
बुटवल लुम्बिनी पहिलो खेलमा एफसी चितवनसँग २–० गोलले तथा दोस्रो खेलमा धनगढी एफसीसँग १–० गोलले पराजित भएको थियो ।
यस्तै, इलामले भने एक खेलमा जित तथा एक खेलमा पराजितको नतिजा निकालेको थियो । इलाम पहिलो खेलमा काठमाडौं रेजर्ससँग १–० गोलले पराजित हुँदा दोस्रो खेलमा झापाविरुद्ध १–० को जित हासिल गरेको थियो ।
इलाम ३ अंकका साथ छैटौं स्थानमा छ भने बुटवल लुम्बिनी अंकविहिन रहँदै पुछारमा छ ।
