एजेन्सी । वेस्ट इन्डिज र अमेरिकाले संयुक्त रुपमा आयोजना गर्ने टी–२० विश्वकप २०२४ का तीन खेल संकटमा परेका छन् । डोमिनिकाले टी–२० विश्वकप २०२४ का खेलहरू आयोजना गर्न अस्वीकार गरेको छ ।
डोमिनिकाले तोकिएको समयसीमामा स्टेडियम निर्माणको काम पूरा नगरेको र बिहीबार सरकारले टी–२० विश्वकप खेलहरू आयोजना गर्नबाट आफ्नो नाम फिर्ता लिने बताएको छ ।
डोमिनिका सात क्यारेबियन देशहरू मध्ये एक हो, जसले टी–२० विश्वकप खेलहरू आयोजना गर्दै थियो । विन्डसर पार्कमा एउटा समूह खेल र दुई सुपर–८ खेलहरू आयोजना हुँदै थियो ।
“डोमिनिका सरकार क्रिकेट वेस्ट इन्डिजलाई वर्षौंदेखिको साझेदारीका लागि धन्यवाद दिन चाहन्छ र भविष्यमा पनि सँगै काम गर्न जारी राख्न तत्पर छ । डोमिनिका सरकार सफल प्रतियोगिता आयोजनाको लागि आयोजकहरूलाई शुभकामना दिन्छ ।’ उसले भनेको छ ।
यसबारे आईसीसीको प्रतिक्रिया भने आउन बाँकी छ ।
