• ७ असार २०८१, शुक्रबार
  •      Fri Jun 21 2024
  •   Unicode
Logo
Latest
★   रास्वपाको चियापान कार्यक्रममा शीर्ष नेताहरु– तस्बिरहरु ★   कर्नाटक प्रहरीको खुलासाः प्रमाण नष्ट गर्नका लागि दर्शनले साथीसँग ४० लाख रुपैयाँ लिए ★   ग्लोबल आइएमई बैंकका ग्राहकलाई आरुष लाइफस्टाइल हस्पिटलमा ३० प्रतिशतसम्म छुट ★   वातावरण व्यवस्थापनमा तीन प्रतिशत बजेट विनियोजन गर्दै चन्द्रागिरि नगरपालिका ★   पृथ्वीराजमार्गको थर्पु–खैरेनीटार खण्ड एकतर्फी सञ्चालनमा ★   योगलाई धर्म र जातमा सिमित गर्नु हुँदैनः अध्यक्ष ओली ★   जब पृथ्वीमा १०–२० लाख वर्षसम्म लगातार पानी परिरहन्थ्यो ★   ९० दशककी ‘सोनपरी’ आजभोलि के गर्दैछिन् ? ★   डेल्टा कम्प्लेक्समा भएको आगलागीबाट ५० करोड क्षतिको अनुमान ★   शासकीय सुधारका लागि संविधान संशोधनमा जानुपर्छ: पूर्वप्रधानमन्त्री डा भट्टराई (अन्तरवार्ता)

बैंगलोरका १५ विद्यालयमा बम बिष्फोट गर्ने धम्की, सबै विद्यालयलाई एकैसाथ इमेल पठाइयो



एजेन्सी । कर्नाटकको बैंगलोरका १५ निजी विद्यालयमा बमको धम्की आएको छ । यो धम्की शुक्रबार (डिसेम्बर १) मा इमेल मार्फत दिइएको थियो । विद्यालयभित्र बम राखिएको दाबी गर्दै सबै विद्यालयलाई एकैपटक इमेल आएको थियो ।

विद्यालय प्रशासनले तत्काल प्रहरीलाई खबर गरेको थियो । प्रहरीले विद्यालयबाट विद्यार्थीलाई निकालेर खोजी सुरु गरेको छ । घटनास्थलमा बम डिफ्युजन स्क्वाड र तोडफोड विरोधी टोली पनि पुगेको छ । तर, अहिलेसम्म केही फेला परेको छैन ।

बैंगलोर प्रहरीका अनुसार सबै स्कूलहरू शहरका विभिन्न भागहरूमा छन् । अहिलेसम्म शंकास्पद केही भेटिएको छैन । बम भएको जानकारी पाएपछि विद्यार्थीका अभिभावक आफ्ना छोराछोरीलाई लिन आएका थिए । यसले अराजकता सिर्जना गरेको छ ।

सबै विद्यार्थी र विद्यालयका कर्मचारीलाई सकुशल बाहिर निकालिएको छ । खोज अभियान चलिरहेको छ । गत वर्ष बैंगलोरका सात विद्यालयमा यस्तै बमको धम्की आएको प्रहरीले बताएको थियो तर त्यो अफवाह मात्र सावित भएको थियो ।

घटनाको जानकारी पाएलगत्तै कर्नाटकका उपमुख्यमन्त्री डीके शिवकुमार एक विद्यालय पुगेर स्थितिको जानकारी लिए । ‘टिभीमा विद्यालयमा बम भएको खबर देखेर म डराएँ । धम्की पाएका केही विद्यालय मेरो घर नजिकै छन् ।’ उपमुख्यमन्त्रीले भने– ‘प्रहरीले मलाई इमेल देखाएको छ । यो नक्कली देखिन्छ । केही अराजक तत्वले यो काम गरेको हुनसक्छ । हामी तिनीहरूलाई २४ घण्टामा समात्नेछौं । साइबर क्राइम प्रहरी सक्रिय छन्, आफ्नो काम गरिरहेका छन् । मैले प्रहरीसँग कुरा गरेँ, तर हामी सतर्क हुनुपर्छ ।’