काठमाडौं । राष्ट्र, राष्ट्रियता धर्म, संस्कृति र नागरिक बचाउ महाअभियानका अभियान्ता दुर्गा प्रसाईंलाई प्रहरीले अवरोध गरेको छ ।
आन्दोलनको लागि गौशाला हिँडेका प्रसाईंलाई प्रहरीले पेप्सीकोलाबाट फिर्ता पठाएको हो ।
आफ्ना कार्यकर्ता र समर्थकसहित ठिमीस्थित घरबाट हिँडेका प्रसाईंलाई प्रहरीले मनोहरा पुलमा रोकेको बताईएको छ । प्रसाईंलाई आन्दोलनमा प्रत्यक्ष सहभागी हुन नदिन माथिल्लो निकायको आदेशअनुसार उनलाई रोकेको प्रहरीले बताएको छ ।
व्यवसायी दुर्गा प्रसाईंले मंसिर ७ गतेदेखि काठमाडौं केन्द्रीत आन्दोलन गरिरहेका छन् । सोमबारको आन्दोलनमा प्रहरीले गौशालाबाट धर्मगुरु श्रीनिवास आचार्य सहित १४ जना पक्राउ गरेको थियो ।
