काठमाडौँ । नेपाली राष्ट्रिय फुटबल टिमका खेलाडी किरण चेम्जोङ एसियाकै साताको उत्कृष्ट खेलाडी बनेका छन् ।
नेपाललाई हालै सम्पन थ्री नेशन्स कपको उपाधि जिताउन महत्वपूर्ण योगदान दिएका गोलरक्षक किरण चेम्जोङ एसियाकै साताको उत्कृष्ट खेलाडी बनेका हुन् । उनी उक्त प्रतियोगितामा नेपालको कप्तानी गरेका थिए ।
एएफसीले अप्रिल १ मा सार्वजनिक गरेको मार्च अन्तिम साताका उत्कृष्ट खेलाडीहरुमध्ये सर्बाधिक मत प्राप्त गरी किरण ‘एएफसी प्लेयर अफ द वीक’ बनेका हुन् । १० खेलाडीबीच गरिएको सर्वेक्षणमा किरणले ५५.६९ प्रतिशत मत ल्याउन सफल रहे ।
दोस्रो स्थानमा साउदी अरवका सलेह अल सेहरी रहेका छन् । उनले २०.७२ प्रतिशत मत प्राप्त गरे । यस्तै तेस्रो स्थानमा रहेका इराकका अला अली मवाइले १०.१६ प्रतिशत मत प्राप्त गरे ।
