• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   विद्यालयका सटर नहटाउन काठमाडौं महानगरपालिकाका नाममा अन्तरिम आदेश ★   विद्यार्थी भिसामा अस्ट्रेलियाको थप कडाइ ★   राष्ट्रपति पौडेल र स्वीट्जरल्यान्डका समकक्षीबीच भेटवार्ता ★   बुर्तिवाङ स्वास्थ्य केन्द्र ५० शय्याको अस्पतालमा स्तरोन्नति हुँदै ★   खेलले जोडेको नेपाली मन ★   भारत टी–२० विश्वकपको सुपर ८ मा प्रवेश, १११ रनको लक्ष्य १८.२ ओभरमा पछ्यायो ★   गणतन्त्रपछि विकासका बहुआयामिक द्वार खुलेका छन्ः पूर्वप्रधानन्यायाधीश श्रेष्ठ ★   दुर्लभ चराको बासस्थान बन्यो रेसुङ्गा र मदाने ★   “डिजिटल रूपान्तरणलाई अँगाल्दै” आइएमई २४ औ वर्षमा प्रवेश ★   ‘रोड थ्रिलर’ विधामा बन्यो ‘बाटोः रोड टु डेथ’

‘एनिमल’का लागि ४ महिना ट्रेनिङ गरेका थिए बबीले, निर्देशक चाहन्थे रणवीरभन्दा बलियो देखिउन्



एजेन्सी । आगामी शुक्रबारदेखि विश्वव्यापी रुपमा रिलिज हुँदै गरेको फिल्म ‘एनिमल’ मा बबी देओलको खतरनाक लुक देखिनेछ । यो भूमिकाका लागि उनले ४ महिना निकै कठिन तालिम लिएका छन् ।

यो अवधिमा उनले मिठाईबाट पनि टाढिए । निर्देशक सन्दीप रेड्डी भांगाको माग थियो कि फिल्ममा बबीलाई रणवीर कपुरभन्दा बढी शक्तिशाली देखाउनुपर्छ ।

उनका व्यक्तिगत प्रशिक्षक प्रज्वल शेट्टीले बबीलाई यो लुकमा परफेक्ट ढाल्न धेरै मद्दत गरे । प्रज्वल आफैले एक अन्तर्वार्तामा बबीले आफ्नो तौल ८५ देखि ९० केजीसम्म रहनका लागि कडा डाइट अपनाएको बताएका छन् ।

इन्डिया टुडेलाई दिएको एक अन्तर्वार्तामा प्रज्वलले भने, ‘सोसल मिडियामा जसरी बबी सरको शरीर र लुक्सको चर्चा भइरहेको छ, त्यसबाट म खुसी छु । ‘रेस ३’ देखि नै उहाँलाई तालिम दिइरहेको छु । म उहाँसँग विगत छ वर्षदेखि छु । ‘एनिमल’ फिल्मका लागि मलाई चार महिनाको समय दिइएको थियो । निर्देशकले यी चार महिनामा बबी सरलाई खलनायकको रूप दिन चाहेका थिए । मलाई विश्वास गर्नुहोस्, हामी दुबैले ती चार महिनामा यो लुकको लागि धेरै मेहनत गर्यौं ।’

प्रज्वलले थपे कि निर्देशकले आफूलाई पहिले नै यस फिल्ममा बबी रणबीरभन्दा बलियो देखिनु पर्ने बताएका थिए । उनी थप्छन् ‘बबी सरलाई अझ मसल्समा हेर्न आवश्यक थियो । यसका लागि हामीले कडा मेहनत गरेका छौं । हामीले उहाँको शरीरको बोसो प्रतिशतलाई १२ मा घटाउने प्रयास गर्यौं र उहाँको तौल ८५–९० केजी रह्यो ।’

यस अवधिमा बबीले वजन प्रशिक्षणमा पनि धेरै ध्यान दिए । उनी हरेक दिन करिब एक घन्टा वेट ट्रेनिङ गर्थे । त्यसपछि उनले बिहान र बेलुका ४० मिनेट तीव्र कार्डियो गरे ।

बबी सरको परिवर्तनबाट निर्देशक निकै खुसी थिए । फिल्मको अन्तिम दृश्य छायांकनको दिन उहाँले मलाई भन्नुभयो – ‘तिमीले बबीको शरीरमा राम्रो काम गरेका छौ । तिमीले उसको रूपलाई मैले चाहेजस्तै आकार दियौ ।’

फिल्म एनिमलमा बबी देओल खलनायकको भूमिकामा देखिनेछन् । फिल्ममा बबीको चरित्र निकै अनौठो रहेको मिडिया रिपोर्टले दाबी गरेको छ । सार्वजनिक ट्रेलरमा देख्न सकिन्छ कि उनको एउटा संवाद पनि छैन । बबीको यस्तो भूमिका फ्यानका लागि सरप्राइज प्याकेजभन्दा कम छैन ।