• ३० चैत्र २०८०, शुक्रबार
  •      Fri Apr 12 2024
  •   Unicode
Logo
Latest
★   मलेसियाविरुद्ध नेपालले टस हार्यो, पहिला फिल्डिङ गर्दै ★   सुर्तिजन्य पदार्थलाई राजश्वको आम्दानीको बाटो बनाउनु हुँदैन: प्रमुख सचेतक बर्तौला ★   काँग्रेसले चल्न नदिएपछि संसद अन्त्य भयो: ओली ★   विसं २०८०: मेलम्ची पर्खंदै बित्यो आधा वर्ष ★   गुराँससँग रमाउन र हिमाल हेर्न घोडेपानी ★   सत्य निरूपण र बेपत्ता आयोगमा पदाधिकारी नियुक्त गर्न सिफारिस समिति गठन ★   राष्ट्रियसभा सदस्यमा अञ्जान शाक्य नियुक्त गर्न सिफारिस ★   प्रतीक्षित चलचित्र ‘पुजार सार्की’को टिजर सार्वजनिक: फरक भूमिकामा देखिए आर्यन, प्रदीप र पल ★   संसदको हिउँदे अधिवेशन वैशाख २ बाट अन्त्य गर्ने निर्णय ★   आईपीएलमा आज: अन्तिममा रहेको दिल्ली र लखनउ भिड्दै

रोटरी इन्टरनेसनलकी ग्रान्ट अफिसर ब्राड्लेद्वारा अर्थोपेडिक अस्पताल निरीक्षण



काठमाडौं: जोरपाटीस्थित नेपाल अर्थोपेडिक अस्पतालको स्थापनाकालदेखि नै आर्थिक, प्राविधिक तथा जनशक्ति व्यवस्थामा निरन्तर सहयोग गरिरहेको रोटरी इन्टरनेसनलका वरिष्ट प्रतिनिधिले अस्पतालको निरीक्षण, अवलोकन गर्नु भएको छ ।

अस्पतालका मेडिकल निर्देशक डा कैलाश भण्डारीका अनुसार रोटरी इन्टरनेसनलकी ग्रान्ट अफिसर लाउरा ब्राड्लेले अस्पतालको भौतिक, आर्थिक तथा प्राविधिक विषयको जानकारी लिनुका साथै अस्पतालमा उपचार गराइरहेका बिरामीसँग अस्पतालले प्रदान गरिरहेको सेवाका बारेमा सोधपुछ गर्नु भएको थियो ।

अस्पताल व्यवस्थापनका तर्फबाट आयोजित संक्षिप्त कार्यक्रममा डा भण्डारीले रोटरी इन्टरनेसनल र नेपालका रोटरी क्लबहरुले लामो समयदेखि अस्पतालको समग्र विकासमा दिइरहेको सहयोग अतुलनीय रहेको चर्चा गर्दै आगामी दिनमा पनि सहयोग प्राप्त भइरहने विश्वास व्यक्त गर्नु भएको थियो ।

उहाँले अस्पतालमा आधुनिक उपचार सामग्री तथा अस्पताल भवनको विस्तार गर्नुपर्ने स्थिति रहेको जानकारी गराउनु भएको थियो ।

कार्यक्रममा सस्थापक मेडिकल निर्देशक डा. अनिल बहादुर श्रेष्ठले अस्पताललाई हाल सम्म उपलब्ध गराएको सहयोग प्रति आभार व्यक्त गर्दे आगामी दिनमा सहयोगको निरन्तरता रहने अपेक्षा गर्नुभयो ।

त्यस अवसरमा ग्रान्ट अफिसर ब्राड्लेले नेपाल अर्थोपेडिक अस्पतालको उत्तरोत्तर प्रगतिको लागि रोटरी इन्टरनेसनल सधैं साथमा रहने प्रतिबद्धता व्यक्त गर्नु भएको थियो । अस्पतालका तर्फबाट डा भण्डारी समेतले ब्राड्लेलाई मायाको चिन्हो प्रदान गरिएको थियो ।