एजेन्सी । छिमेकी राष्ट्र भारतमा कोरोना भाइरसको दोस्रो लहर सुरु भएसँगै दैनिक उच्च संख्यामा संक्रमित थपिदै आएका छन् । पछिल्लो २४ घण्टामा ९६ हजार ५५७ नयाँ संक्रमित थपिएका छन् ।
केही दिन पहिले मात्र महाराष्ट्रामा लकडाउनको घोषणा भएको भारतमा अब राजधानी दिल्लीमा पनि कोरोना भाइरस संक्रमण रोकथामका लागि रात्रिकालीन कर्फ्यु जारी गरिएको छ ।
दिल्ली राज्य सरकारले मंगलबारदेखि लागू हुने गरी राति १० बजेदेखि बिहान ५ पाँचबजेसम्म लागि कर्फ्यु लगाउने निर्णय गरेको हो ।
आगामी ३० अप्रिलसम्मका लागि कर्फ्यु जारी हुनेछ । विगत केही सातायता दिल्लीलगायत प्रमुख सहरहरुमा संक्रमण तीव्र बन्दै गएको छ । दिल्लीमा सोमबार मात्र ३ हजार ५४८ संक्रमित थपिएका थिए भने १५ जनाले यस भाइरसको संक्रमणका कारण ज्यान गुमाएका छन् ।
आइतबार एक दिनमा मात्रै भारतमा १ लाख ३ हजारभन्दा बढी नयाँ संक्रमित थपिएका थिए ।
