एजेन्सी । के तपाईलाई थाहा छ बलिउडका ‘किंग’ भनेर चिनिने शाहरुख खानको पहिलो कमाई मात्र ५० रुपैयाँ थियो । वास्तवमा, पीटीआईसँगको पुरानो अन्तर्वार्तामा शाहरुख खानले आफ्नो करियरको सुरुवाती चरणको बारेमा एउटा रोचक कुरा भनेका थिए ।
उनले आफ्नो सुरुको तलब ५० रुपैयाँ मात्रै रहेको खुलासा गरे । उनले गायक पंकज उदासको सांगीतिक कार्यक्रममा प्रबन्धकको रुपमा काम गरे । यो कामको बदलामा उनले ५० रुपैयाँ पाए । आफ्नो पहिलो कमाईसँगै शाहरुख आगराको ताजमहल हेर्न गए ।
पठान र जवान जस्ता ब्लकबस्टर फिल्मको सफलतापछि शाहरुख अहिले आफ्नो आगामी फिल्म डंकीको तयारीमा व्यस्त छन् । उनका फ्यानहरुले डंकीबाट धेरै अपेक्षा गरेका छन् । चलचित्रलाई बलिउडका चर्चित निर्देशक राजकुमार हिरानीले निर्देशन गर्दैछन् ।
राजु हिरानीसँग धेरै सफल कलाकारले काम गरेका छन् । तर शाहरुखले उनीसँग पहिलो पटक फिल्म डंकीमा काम गर्दैछन् । फिल्ममा शाहरुख बाहेक तापसी पन्नु, विक्की कौशल र बोमन इरानी जस्ता अनुभवी कलाकारहरु देखिनेछन् ।
