काठमाडौँ । राष्ट्र, राष्ट्रियता, धर्म संस्कृति र नागरिक बचाउ महाअभियान कार्यक्रममा सहभागी हुन काठमाडौ आएका महिलाहरु माथी नेकपा एमालेको युवासंघले दुर्व्यवहार गरेको अभियानले जनाएको छ ।
अभियानका सह प्रवक्ता राजानन्द माण्डब्यका अनुसार ईटहरीबाट आएर जडिबुटीमा रहेका इन्द्रसार पार्टी प्यालेसमा बसेका महिलाहरु लाई राती ११ बजे तिर युवासंघका कार्यकर्ताले दुर्व्यवहार गर्दे कोठाबाट निकाल्ने प्रयास गरेका थिए । उहाँका अनुसार अभियानका व्यक्तिहरु पुगेपछि युवासंघका कार्यकर्ताहरु त्यहाँबाट बाहिरिएका थिए ।
माण्डब्यले न्युजपोलारसंग भन्नुभयो ‘युवा संघ यो देशको सबैभन्दा अराजक तत्व हो। यसले नेकपा एमालेलाई राजनीति बाट सक्ने काम आफै गर्दैछ। यो घटनाबाट हामी बिचलत भएका छैनौ । उनिहरु कति कमजोर भएछन् भन्ने पुष्टि भएको छ ।’
अभियानले मंसिर ७ गते बल्खुचोकमा कार्यक्रम गर्दैछ । अभियानले माईतिघरक्षेत्रका कार्यक्रम गर्ने तयारी गरे पछि जिल्ला प्रशासन कार्यालय काठमाडौंले महाराजगञ्जस्थित राष्ट्रपति कार्यालय शितलनिवास, प्रधानमन्त्री निवास वालुवाटार वरिपरिको क्षेत्र संसद भवन बानेश्वर, सिंहदरबार र हरित गृह उपराष्ट्रपति भवन आसपास निषेधित क्षेत्र घोषणा गरेको छ ।
भिडियो- राजानन्द माण्डब्यको फेसबुकबाट
