काठमाडौँ । परराष्ट्र मन्त्री एन पि साउदलाई इजरायलका लागि नेपाली राजदूत कान्ता रिजालले गलत ब्रिफिङ गरेको पाइएको छ ।
राजदूत रिजालले गए राति मन्त्री साउदलाई फोनमा विपीन जोशीको अवस्था सकुसल रहेको र उनी हमासको नियन्त्रणमा रहेको भन्दै उनको रिहाइका लागि पहल गर्ने जनाएकी थिएन ।
सोही आधारमा आजका प्राय: सबैजसो सञ्चारमाध्यममा जोशी हमासको नियन्त्रणमा सकुशल रहेका समाचार आएको छ । तर आज बिहान अकस्मात इजरायलस्थित नेपाली दूताबासले फेरि यसको उल्टो विज्ञप्ति निकालेको छ । सो विज्ञप्तिमा जोशीको अवस्था अज्ञात नै रहेको जनाइएको छ ।
मन्त्री साउद आज कञ्चनपुरमा रहेका र उनले पत्रकार सम्मेलन गरेर जोशी सकुशल रहेको जानकारी गराउन पत्रकार सम्मेलनको आयोजना गर्ने तयारीमा थिए । तर उनले उता पत्रकार सम्मेलनको आयोजना गर्दै गर्दा यता दूताबासको यस्तो विज्ञप्ति आएको छ । यो विज्ञप्तिपछि मन्त्रीले हिजो गरेको ब्रिफिङ र आजको विज्ञप्ति किन फरक आयो भनेर राजदूतलाई थप सोध्नु भनेका छन् ।
उता आइतबार रातिमात्रै इजरायली डिफेन्स फोर्स, आइडिएफले विपिन जोशी हमासको बन्धकमा रहेको जानकारी गराउँदै तेल अभिवस्थित नेपाली दूतावासलाई जानकारी गराइसकेको छ । दूतावसाले विज्ञप्ति प्रकाशन गरेर यसको पुष्टि गरेको छ ।
आइडिएफको दाबी र दूतावासको विज्ञप्तिलाई आधार मान्दा हमासले घाइते अवस्थामा अस्पताल लगिएको नेपाली विपिन जोशी हुनसक्ने आकलन गरिएको छ ।
परराष्ट्र मन्त्रालयका प्रवक्ता सेवा लम्सालले भिडिओमा देखिएको दृश्यबारे बुझ्ने प्रक्रियामा रहेको बताइन् । अहिलेसम्म विपिन जोशीको अवस्था केहो भन्नेबारे कुनै भेउसमेत नपाएको अवस्थामा उक्त भिडिओले केही आशा जगाएको उनले बताइन् ।
EXPOSED: This is documentation from Shifa Hospital from the day of the massacre, October 7, 2023, between the hours of 10:42 a.m and 11:01 a.m. in which hostages, a Nepalese civilian and a Thai civilian, were abducted from Israeli territory are seen surrounded by armed Hamas… pic.twitter.com/a5udjBw4wF
— Israel Defense Forces (@IDF) November 19, 2023
