काठमाडौं । पछिल्लो २४ घण्टामा भारतमा १ लाख २६ हजारभन्दा बढी मानिसमा कोरोना भाइरसको संक्रमण पुष्टि भएको छ । एक लाख २६ हजार ७८९ नयाँ संक्रमित फेला परेको भारतको स्वास्थ्य मन्त्रालयले तथ्याङ्क देखाएको हो ।
पछिल्लो समयमा भारतमा नयाँ कोरोना संक्रममितको संख्या ज्यादै बढिरहेको छ । भारतमा अहिलेसम्म एक करोड २९ लाख नाघिसकेको छ। हाल भारतमा नौ लाखभन्दा धेरै सक्रिय संक्रमित छन् ।
त्यस्तै भारतमा पछिल्लो २४ घण्टामा ६८५ जनाले कोरोना संक्रमणबाट ज्यान गुमाएको छ । यससँगै कोरोनाबाट मृत्यु हुनेको संख्या पनि एक लाख ६६ हजार ८६२ पुगेको छ ।
