एजेन्सी । विश्वकै चर्चित टी-ट्वान्टी क्रिकेट लिग इन्डियन प्रिमियर लिग (आइपिएल) को १४ औं संस्करण आजबाट सुरु हुँदैछ ।
भारतमा दैनिक उच्च मात्रामा कोरोना संक्रमण बढीरहेको बेला आइपिएल सुरु हुन लागेको हो । कोरोना भाइरसको जोखिमबीच दर्शकबिनै खेल आयोजना हुनेछ ।
५ महिनाको अवधिमा दुई वटा आइपिएल आयोजना हुँदैछ । कोरोना भाइरसका कारण यसअघिको सिजन गत सेप्टेम्बरदेखि नोभेम्बरसम्म दुबईमा आयोजना भएको थियो ।
आजको उद्घाटन खेलमा विराट कोहलीसम्मिलित रोयल च्यालेन्जर्स बैंगलोर र रोहित शर्माको टिम मुम्बई इन्डियन्सले प्रतिस्पर्धा गर्दैछन् । खेल नेपालीसमयानुसार ७ः४५ बजे हुनेछ ।
