काठमाडौँ । अखिल नेपाल फुटबल संघ (एन्फा) को अध्यक्ष पंकजविक्रम नेम्वाङविरुद्धको अविश्वासको प्रस्तावको पक्षमा शुन्य मत परेको छ ।
हेटौंडामा सम्पन्न एन्फाको विशेष साधारण सभामा नेम्वाङविरुद्धको अविश्वास प्रस्तावको पक्षमा शून्य मत पाएसँगै अध्यक्ष पद जोगिएको छ ।
कुल ८७ जना मतदातामध्ये प्रस्तावको पक्षमा शून्य मत र विपक्षमा अर्थात अध्यक्ष नहटाउने पक्षमा ५२ मत प्राप्त भएको छ । जसमा एक मत बदर भएको भने बाँकी ३४ जनाले मतदान बहिष्कार गरेका थिए ।
गत भदौ २५ गते एन्फाका ४९ सदस्य संस्थाले अध्यक्ष नेम्बाङ र महासचिव किरण राईको बर्खास्तीको माग गर्दै प्रस्ताव पेश गरेको थिए ।
