आइसिसी विश्वकप क्रिकेट अन्तर्गत शनिबार बेंगलोरमा जारी खेलमा न्युजील्यान्डले पहिले ब्याटिङ गर्दै पाकिस्तानसामु ४०२ रनको विशाल लक्ष्य दिएको छ ।
न्युजील्यान्डका लागि युवा ब्याटर रचिन रबिन्द्रले १०८ रनको शतकीय पारि खेलेका थिए । यस विश्वकपमा यो उनको तेस्रो शतक हो ।
चोटका कारण यसअघिका खेल गुमाएका कप्तान केन विलियम्सनले पनि शानदार ब्याटिङ गर्दै ९५ रनको महत्वपूर्ण योगदान गरेका थिए ।
आजको खेल नजिते प्रतियोगिताबाटै बाहिरिने पाकिस्तानी टिमका कप्तान बाबर आजमले आज टस जितेर पहिले क्षेत्र रक्षण रोजेका थिए । तर उनको निर्णय शंकाको घेरामा परेको छ । उनका बलरले राम्रो बलिङ प्रदर्शन गर्न सकेका थिएनन् भने क्षेत्र रक्षण पनि फितलो थियो ।
