काठमाडौं । सगरमाथा इन्स्योरेन्स कम्पनीले मंगलबार आरोग्य बीमालेख सार्जनिक गरेको छ । कम्पनीले वैशाख २ बाट बजारमा सगरमाथा हेल्थ एप्लिकेसन अन्तरगत तीन प्रकारका बिमा ल्याएको छ । सामान्य बिमामा १ देखि ५ लाख सम्मको रहेको छ भने दुर्घटना बिमा १ देखि ७ लाख सम्मको रहेको छ । त्यसैगरी घातक अर्थात क्रिटिकल बिमा १ देखि १० लाख सम्मको बिमा ६ देखि ६५ वर्षसम्म भएकाले आरोग्य बिमालेखबाट गर्न मिल्ने कम्पनीले जनाएको छ । यी तीन ग्रुपले १८ किसिमका रोगलाई समावेश गरेको डिसिओ श्रवण कुमार रावलले जानकारी दिनुभएको छ ।
बीमा समितिका अध्यक्ष सूर्य प्रसाद सिलवालले उधारो बीमा एन व्यवस्थाको विपरित भएकोले नगराउन कम्पनीलाई अनुरोध गर्नुभयो । बीमा कम्पनीहरुमा भुक्तानी तत्काल नगराउने समस्या रहेको पनि उहाँले ध्यान आर्कषण गराउनुभयो । उहाँले भन्नुभयो, "बीमितको भुक्तानी तत्काल हुनुपर्छ, मिलेमत्तो भएकाहरुको चाँडो र नभएकाहरुको ढिला हुने प्रविधि निकै फल्टाएको छ ।" साथै भुगोलको हिसाबले पनि सबैजना बीमा गर्नको लागि उत्साहित भएर आउने वातावरण कम्पनीले बनाउनु पर्नेमा उहाँले जोड दिनुभयो । बीमा कम्पनी ग्राहकको माझ पुग्नु भन्दा पनि बीमक कम्पनी खोज्दै आउने वातावरणको सृजना हुनुपर्छ भन्दै उहाँले कम्पनीलाई अनुरोध गर्नुभयो ।
त्यसैगरी बीमा समितका कार्यकारी निर्देशक राजुरमण पौडेलले बीमा दाबीलाई छिट्टै भुक्तानी गर्न सक्यो भने बीमाको दायरा पनि अगाडी बढ्न सक्ने जिकिर गर्नुभयो । साथै उहाँले भन्नुभयो, यस कम्पनीले वर्षेनी नयाँ प्रोडक्ट लन्च गर्दै आएको छ र यो पोडक्टले बीमा बजारलाई थप फराकिलो बनाउनेछ । बताउनुभयो ।
कम्पनीका निर्देशक राम कृष्ण मानन्धरले भन्नुभयो बीमा गर्नपर्छ भन्ने जानकारी भुकम्पले दिएको जस्तो लाग्छ । उहाँले भन्नुभयो, हाम्रो बोर्डको टिममा बिजनेस भनेको क्लेम सेटलमेन्ट भएको प्रष्ट पारिएको छ र हामी यसमा प्रतिवद्धता जनाउछौ । हामीले सधै क्लेम सेटलमेन्टलाई प्राथमिक्तामा राखेको निर्देशक मानन्धरले बताउनुभयो ।
