काठमाडौं । योगराज ढकाल रिगल पक्राउ परेका छन् ।
आममाफी दिने सरकारको निर्णय बदर गर्दै सर्वोच्च अदालतले रिगललाई तत्काल पक्राउ गर्न आदेश दिएसँगै उनी पक्राउ परेका हुन् ।
अदालतले उनलाई बाँकी रहेको ११ वर्ष ११ महिना ११ दिन थुनामा राख्न आदेश दिएको छ । जिल्ला प्रहरी कार्यालय, बाँकेको टोलीले रिगललाई पक्राउ गरेको हो ।
जन्मकैदको सजाय भोगिरहेका रिगल संविधान दिवसको अवसरमा बाँकी कैद माफी पाएर ४ भदौमा छुटेका थिए । उनले २८ असार २०७२ मा खुँडा प्रहार गरेर चेतन मानन्धरको हत्या गरेका थिए । हत्यारालाई आममाफि दिईएको भन्दै मानन्धरकी पत्नी भारती शेर्पाले सरकारी निर्णविरुद्ध सर्वोच्च अदालतमा रिट निवेदन दायर गरेकी थिईन् ।
