मुम्बईः भारतमा कोरोना भाइरसको दोस्रो लहर सुरु भएसँगै दैनिक लाखौं संख्यामा संक्रमित थपिदै आएका छन् । यसको चपेटामा भारतको मुख्य राज्यमा पर्ने महाराष्ट्रा पनि परेको छ ।
महाराष्ट्राको मुख्य शहर मुम्बईमा तीब्र गतिमा कोरोना फैलिएसँगै बलिउडका थुप्रै कलाकारहरुलाई कोरोना संक्रमण भएको छ । हालै अभिनेता आशुतोष राणालाई पनि कोरोना भाइरसको संक्रमण भएको छ । उनले सामाजिक सञ्जालमार्फत यसबारे जानकारी गराएका हुन् ।
आशुतोषले गत ६ अप्रिलमा कोरोना भाइरसविरुद्धको खोप लगाएका थिए । उनले आफ्नी पत्नीसँगै कोरोना भाइरसको खोपको पहिलो डोज लिएका थिए ।
यस्तै उनले आफ्ना परिवारका अन्य सदस्यहरुको पनि कोरोना परीक्षण गराएको र उनीहरुको रिपोर्ट भोली आउने पनि बताएका छन् ।
