काठमाडौं । सारेगमप लिटिल च्याम्प्सको उपाधि कृपा पौडेलले जितेकी छन् ।
शनिबार साँझ भएको ग्रान्ड फिनालेमा अन्य चार प्रतिस्पर्धीलाई पछि पार्दै उनले उपाधि हात पारेकी हुन् । उनले उपाधिसँगै १५ लाख नगद प्राप्त गरिन् ।
यस्तै, प्रतियोगिताको फर्ष्ट रनरअप रोशा फुयाँल भइन् भने सेकेन्ड रनरअप आदित्य विश्वकर्मा भए ।
आदित्य बिक, अविज्ञा घिमिरे, रोशा फुयाँल, अरुण सुनार र कृपा पौडेलबी फाइनलमा प्रतिस्पर्धा भएको थियो ।
फ्रेन्चाइज शो सारेगमप लिटिल च्याम्समा न्ह्यू बज्राचार्य, इन्दिरा जोशी र कालीप्रसाद बास्कोटा निर्णायक थिए ।
यस्तै, १५ जना ग्रान्ड जुरी थिए । नेपालसँगै भारतबाट पनि थुप्रै नेपाली भाषीले प्रतिस्पर्धामा सहभागी जनाएका थिए ।
