भारतको आन्ध्र प्रदेशमा भएको रेल दुर्घटनामा मृत्यु हुनेको संख्या १४ पुगेको स्थानीय अधिकारीहरुले बताएका छन् ।
इस्ट कोस्ट रेलवेका सम्पर्क अधिकारी विश्वजित साहुले दुई रेल एकआपसमा जुधेर दुर्घटना भएको जानकारी दिए । यस दुर्घटनामा मृत्यु भएकाको पहिचान भइसकेको पनि उनले बताए ।
विशाखापटनम–पलासा यात्रुबाहक रेल र विशाखापटनम–रगडा यात्रुबाहक रेल एकआपसमा जुधेका थिए ।
रेल दुर्घटनाका कारण कम्तीमा १८ वटा रेलसेवा अबरुद्ध भएको र अरु २२ वटा रेललाई अन्यत्र मोडिएको पनि साहुले जानकारी दिए ।
घाइतेहरुको स्थानीय अस्पतालहरुमा उपचार भइरहेको छ ।
आन्ध्र प्रदेशका मुख्यमन्त्री वाईएस जगन रेड्डीले घटनाको अनुसन्धान गर्न आदेश दिएका छन् । एजेन्सी
