मुम्बई । भारतकी चर्चित गायिका लता मंगेशकरको निधन भएको छ ।
उनको मुम्बईको ब्रीच क्याण्डी अस्पतालमा आज बिहान ९२ वर्षको उमेरमा निधन भएको हो ।
उनको जन्म २८ सेप्टेम्बर १९२८ मा इन्डोरमा भएको थियो ।
स्वास्थ्यमा समस्या देखिए पछि उनलाई हिजो अस्पताल भर्ना गरिएको थियो । यसअघि उनमा कोरोना भाइरसको संक्रमणसँगै निमोनिया समेत भएको थियो ।
तर, उपचार पछि स्वास्थ्यमा क्रमिक सुधार आए पछि उनलाई गएको १४ गते भेन्टिलेटरबाट बाहिर निकालिएको थियो । तर फेरि स्वास्थ्यमा समस्या आए पछि शनिबार भेन्टिलेरमा राखेर उपचार थालिएको थियो ।
बाचुन्जेलीलाई, आकाशमा तिरमिर तारा, जुन बाटोमा लगायत धेरै नेपाली गीतमा स्वर दिएकी उनी फिल्म फेयर पुरस्कारदेखि पद्म भुषण, पद्म विभुषण, राजीव गान्धी पुरस्कार, भारतको सर्वोच्च नागरिक सम्मान भारत रत्न लगायत पुरस्कारबाट सम्मानित छिन् ।
भारतका प्रधानमन्त्री नरेन्द्र मोदीलगायत थुप्रै व्यक्तित्वले उनको निधनमा शोक व्यक्त गरेका छन् ।
