काठमाडौं । उपप्रधानमन्त्री एब गृहमन्त्री नारायणकाजी श्रेष्ठ ५ दिने को उपचार पश्चात् आज डिस्चार्ज हुनुभएको छ ।
बेइजिङस्थित पेकिङ युनियन मेडिकल कलेज अस्पतालमा उपचारत श्रेष्ठको अवस्था सामान्य भएपछि आज उहाँलाई डिस्चार्ज गरिएको श्रेष्ठको सचिवालयले जनाएको छ ।
तेस्रो बेल्ट एण्ड रोड फोरम फर इन्टरनेशनल कोअपरेसन (बिएफआर) मा सहभागी हुन बेइजिङ पुगेका बेला उपप्रधानमन्त्री श्रेष्ठलाई यही कात्तिक १ गते हृदयाघात भएको थियो । उहाँको छातीमा ‘स्टेन्ट’ राखिएको छ ।
अस्पताल पुगेलगतै उहाँको कोरोनी एजियोग्राम गरेर छातीको जाँच गरिएको थियो । जाँचका क्रममा मुटुको बाँया धमनी बन्द भएको देखिएपछि ‘स्टेन्ट’ राखिएको अस्पतालले जनाएको छ ।
डिस्चार्ज पछि उपप्रधानमन्त्री श्रेष्ठले उपचारमा संलग्न चिकित्सक लगायत सम्पुर्ण हस्पिटल परिवार र बेइजिङ स्थित नेपाली राजदुतावास परिवार प्रति आभार सहित धन्यवाद व्यक्त गर्नुभएको छ ।
उहाँले स्वास्थ्य अवस्था प्रती चासो , चिन्ता र सुभेक्षा राख्नुहुने सबैप्रती आभारी व्यक्त गर्नुभएको छ । श्रेष्ठ कार्तिक ८ गते बिहान स्वदेश फर्कनुहुने उहाँको सचिवालयले जनाएको छ ।
