एजेन्सी । इंग्ल्याण्डका स्टार अलराउन्डर साम करन गलत कारणले चर्चामा छन् । करनको एउटा भिडियो भाइरल भइरहेको छ, जसमा उनी क्यामेराम्यानसँग दुर्व्यवहार गरेको देखिएका छन् ।
यो घटना दिल्लीको अरुण जेटली स्टेडियममा इङ्ल्यान्ड र अफगानिस्तानबीच भएको खेलमा भएको हो । इनिङ्सको ९ औं ओभर साम करन बलिङ गर्दै थिए । यस ओभरमा उनले दुई चौका र एक छक्का सहित कुल २० रन खर्चिए ।
ओभर सकिएपछि साम करान बाउन्ड्री लाइनमा फिल्डिङ गरिरहेका थिए । प्रसारणकर्ताको क्यामेराम्यानले त्यसपछि इंग्लिस अलराउन्डरमा ध्यान केन्द्रित गरे । साम करनले क्रोधित हुँदै क्यामेरा समातेर अर्को दिशामा घुमाए । करनले क्यामेराम्यानलाई फिल्डको नजिक नआउन संकेत समेत गरे ।
साम करनको यो कार्यको सामाजिक सञ्जालमा निकै आलोचना भएको छ । इङ्ल्यान्डका अलराउन्डरको यो व्यवहारको निकै आलोचना भएको हो । अफगानिस्तानविरुद्ध पनि करनको प्रदर्शन खराब रह्यो । बायाँ हाते फास्ट बलरले ४ ओभरमा ४६ रन खर्चेर कुनै सफलता हासिल गर्न सकेनन् ।
साम करन मात्रै होइन, अफगानिस्तानविरुद्धको खेल सम्पूर्ण इङ्लिस टोलीका लागि निकै निराशाजनक रह्यो । डिफेन्डिङ च्याम्पियन इंग्ल्यान्ड टोली अफगानिस्तानसँग ६९ रनले पराजित हुन पुग्यो ।
Sam Curran 😭😭😭😭 pic.twitter.com/V1B2yAtcji
— Saad Mohammed (@saadmd_13) October 15, 2023
