काठमाडौँ । नेकपा माओवादी (केन्द्र) का नेता नारायणकाजी श्रेष्ठले प्रधानमन्त्री शेरबहादुर देउवा र आफ्नो पार्टीका अध्यक्ष पुष्पकमल दाहाल प्रचण्डद्वारा एमसीसी अमेरिकालाई पठाइएको भनी सार्वजनिक गरिएका पत्रका कारण एमसीसी सम्झौताका बारेमा पार्टीको दृष्टिकोण र अडान कायमै रहेको बताउनुभएको छ ।
उहाँले आज ट्विट गर्दै एमसीसी सम्झौताका बारेमा पार्टीको दृष्टिकोण र अडानप्रति कुनै द्विविधा र भ्रममा नपर्न आम पार्टी पङ्क्ति र सबैमा अनुरोध गर्नुभएको छ । उहाँले यथास्थितिमा एमसीसी सम्झौता स्वीकार नगरिने भन्दै पार्टी यसमा दृढ रहेको बताउनुभएको छ ।
