काठमाडौं । हरिद्वार कुम्भमेलामा स्नान गरेर स्वदेश फर्किनुभएका पूर्वराजा ज्ञानेन्द्र शाह र उहाँकी पत्नी कोमल शाहलाई कोरोना भाइरसको संक्रमण पुष्टि भएको छ ।
हरिद्वारबाट फर्किए लगत्तै उहाँहरुले कोरोना संक्रमणको परीक्षण गराउनुभएको थियो ।
उक्त परीक्षणमा उहाँहरुको रिपोर्ट पोजेटिभ पाइएको स्वास्थ्य मन्त्रालय स्रोतले जनाएको छ ।
यस्तै संक्रमित पाइएसँगै उहाँहरुको कन्ट्याक्ट ट्रेसिङ सुरु गरिएको मन्त्रालय स्रोतले बताएको छ ।
भारतमा कोरोना संक्रमणको दोस्रो लहर सुरु हुँदै गर्दा हरिद्वारमा आयोजना गरिएको कुम्भमेलाको चौतर्फि विरोध गरिएको थियो । उक्त मेलामा सहभागी भएका थुप्रै व्यक्तिमा कोरोना संक्रमण पाइएको थियो ।
