काठमाडौं । नेकपा एमालेको माधव नेपाल पक्षले आफ्नो पक्षका सांसदहरूलाई सोधिएका स्पष्टीकरणको राजनीतिक र कानूनी प्रतिवाद गर्ने भएको छ ।
पार्टी अध्यक्ष केपी शर्मा ओलीले आफ्ना पक्षका संघीय २७ सांसदसहित ३२ जनालाई स्पष्टीकरण माग गरेपछि नेपाल पक्षले यस्तो निर्णय लिएको हो ।
अर्याल होटल बानेश्वरमा आज बसेको नेपाल पक्षका नेताहरुको बैठकले सांसदहरुले व्यक्तिगत रूपमा स्पष्टीकरण बुझाउने तर राजनीतिक संघर्ष जारी राख्ने निर्णय गरेको हो ।
नेपाल पक्षले एमाले एकताको पक्षमा उभिएपनि अध्यक्ष केपी शर्मा ओलीले एकलौटी ढंगले गरेका निर्णयहरू विधानविपरीत रहेको बताउँदै प्रतिवाद जारी राख्ने जनाएको छ ।
