काठमाडौन् । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले पदाधिकारी बैठक बोलाएका छन् । अध्यक्ष लिङ्देनले कोशीमा नयाँ सरकार गठनबारे पार्टीको रणनीति तय गर्न शुक्रबार बिहान आठ बजे बस्नेगरी बैठक डाकेका हुन् ।
कोशीमा सत्तारुढ गठबन्धनले नयाँ सरकारका लागि दाबी प्रस्तुत गर्ने तयारी गरिरहँदा राप्रपा निर्णायक शक्तिका रूपमा देखिएको छ । गठबन्धनसँग एक मत अपुग रहेको अवस्थामा राप्रपाको समर्थन अनिवार्य हुन्छ । तर, राप्रपा भने अहिलेसम्म आफ्नो अडानमा स्पष्ट छैन ।
केही दिनअघि बसेको राप्रपा कार्यसम्पादन समितिको बैठकले कोशी सरकारबारे निर्णय लिने जिम्मा अध्यक्ष लिङ्देनलाई दिएको थियो ।
