काठमाडौँ । सोनापुर मिनरल्स एन्ड आयलको आइपिओ आज बाँडफाँट भएको छ । एनआइएमबी एस क्यापिटलको कार्यालयमा भएको बाँडफाँटमा १० लाख ३२ हजार १३२ जनाले सेयर पाएका छन् ।
१० लाख ३२ हजार १२४ जनाले १० कित्ता सेयर पाएका छन् भने ८ जनाले ११ कित्ताका दरले सेयर पाएका छन् । ८ कित्ता सेयर बढि भएपछि कम्पनीले ८ जनालाई १ कित्ताका दरले थप गरेर ११ कित्ता दिएको थियो ।
बिक्री प्रबन्धकको अनुसार उक्त आइपिओमा कुल १० लाख ४७ हजार ४५९ जनाले आवेदन दिएका थिए । जसमा १० लाख ४० हजार ७७० जनाको आवेदन मात्र योग्य रहेको थियो । कम्पनीले असोज १४ गतेदेखि १८ गतेसम्म उक्त आइपिओ बिक्रीमा ल्याएको थियो ।
कम्पनीले जारी पुँजी ३ अर्ब ७ करोड ५० लाख ५० हजार रुपैयाँको ४० प्रतिशत अर्थात् १ अर्ब २३ करोड २० हजार रुपैयाँ बराबरको १ करोड २३ लाख २०० लाखको आईपिओ निष्कासन गर्ने अनुमति पाएको थियो । जसमध्ये कम्पनीले पहिलो चरणमा उद्योग प्रभावित क्षेत्र दाङ्ग र रोल्पाका स्थानिय बासिन्दाका लागि अंकित मूल्य १२५ रुपैयाँ र प्रिमियम थप गरी प्रतिसेयर २२५ रुपैयाँमा १५ लाख ३७ हजार ५२५ कित्ता सेयर निष्कासन गरेको थियो ।
त्यसैगरी, कम्पनीले वैदेशिक रोजगारीमा रहेका नेपालीहरुका लागि १२ लाख १६ हजार ५६८ कित्ता, सामूहिक लगानी कोषका लागि ६ लाख ८ हजार २८४ कित्ता र कर्मचारीहरूका लागि ६ लाख ८ हजार २८४ कित्ता सेयर निष्कासन गरेको थियो ।
