काठमाडौं । नेकपा एमालेको माधव नेपाल पक्ष सर्वोच्च अदालत जाने भएको छ ।
पार्टी अध्यक्ष तथा संसदीय दलका नेता केपी शर्मा ओलीले सांसद पदबाट कारवाही गर्नेगरी थालेको प्रक्रिया रोक्न माग गर्दै सो समूह अदालत जान लागेको हो ।
एमालेले संविधानको धारा ८९, राजनीतिक दल सम्बन्धी ऐनको दफा ३१ र ३२ र पार्टीको विधानको धारा ४९ लाई समेत उदृत गरेर सांसद पदबाट किन कारवाही नगर्ने भन्ने प्रश्नसहितको स्पष्टीकरण सोधेपछि नेपाल पक्ष अदालत गएको हो ।
मंगलबार नेपालसहित २७ जना संघीय सांसद र ५ जना कर्णाली प्रदेशका सांसदलाई कारणसहित तीन दिनभित्र स्पष्टीकरण पेस गर्न निर्देशन समेत दिइएको थियो ।
