एजेन्सी । भारतमा कोरोना भाइरसले दिनहुँ रेकर्ड राख्दै आएको छ । यसैबीच कोरोना भाइरसविरुद्धको खोप पनि लगाइँदै आएको छ ।
बलिउडका थुप्रै सेलिब्रिटीहरुले यसविरुद्धको खोप लगाएका छन् । जसमा अभिनेता अनील कपुरले पनि कोरोनाविरुद्धको खोपको दोस्रो डोज लिएका छन् ।
उनले खोप लगाएको तस्बिर सार्वजनिक गर्दै सबैलाई घरमै बस्न र खोप लगाउन अपिल समेत गरेका छन् ।
भारतमा पछिल्लो २४ घण्टाको अवधिमा मात्र भारतमा २ लाख ९४ हजार २९० नयाँ संक्रमित थपिएका छन् ।
यो संख्या एकैदिन थपिएको हालसम्मकै धेरै रहेको छ । यस्तै उक्त अवधिमै यस भाइरसको संक्रमणबाट २ हजार २० जनाले ज्यान गुमाएका छन् ।
