एजेन्सी । उद्घाटन खेलमा कीर्तिमानी स्कोर बनाएको न्यूजिल्याण्डले एकदिवसीय विश्वकप क्रिकेटमा नेदरल्यान्ड्सलाई जितका लागि ३२३ रनको लक्ष्य दिएको छ ।
हैदराबादको राजीव गान्धी अन्तर्राष्ट्रिय क्रिकेट स्टेडियममा टस हारेर पहिले ब्याटिङ गरेको टोलीले निर्धारित ५० ओभरमा ७ विकेट गुमाएर ३२२ रन बनायो । टोलीका ओपनर विल योङले ७० रन, रचिन रविन्द्रले ५१ रन र टम लाथमले ५३ रनमा अर्धशतक बनाए भने डेरिल मिचेलले ४८ रन बनाए ।
नेदरल्यान्ड्सका लागि आर्यन दत्त, पल भान मिकेरेन र रोएलफ भान डर मर्वेले समान २–२ विकेट लिए । बास डे लिडेले एक विकेट लिए ।
तेस्रो नम्बरमा ब्याटिङ गर्न आएका रचिन रविन्द्रले आफ्नो एकदिवसीय करियर र विश्वकपमा लगातार दोस्रो अर्धशतक बनाए । रविन्द्रले ५१ बलमा ३ चौका र १ छक्का सहित ५१ रनको इनिङ खेले । उनलाई भान डेर मर्वेले आउट गरेका थिए
ओपनर विल योङले आफ्नो एकदिवसीय करियरको छैटौं अर्धशतक बनाए । उनी ८० बलमा ८० रन बनाएर आउट भए । उनले ८७.५० को स्ट्राइक रेटमा ७ चौका र २ छक्का प्रहार गर्दै रन बनाए ।
टस हारेर ब्याटिङमा आएको न्यूजिल्याण्डले उत्कृष्ट सुरुवात गरेको थियो । टोलीले १० ओभरमा विना विकेट गुमाएर ६३ रन बनाएको थियो । कोनवे र योङले अर्धशतकको साझेदारी गरे ।
न्यूजिल्याण्डका कप्तान केन विलियम्सन यो खेलमा खेलिरहेका छैनन् । उनको स्थानमा टम लाथमले कप्तानी गर्दैछन् । विलियमसन आईपीएल–२०२३ को समयमा घाइते भएका थिए । उनी अझै पूर्णरुपमा निको भएका छैनन् । विलियम्सनले विश्वकपको उद्घाटन खेलमा पनि इंग्ल्याण्डविरुद्ध खेलेका थिएनन् । टिम साउथी पनि खेलिरहेका छैनन् । लोकी फर्ग्युसन फिर्ता भएका छन् ।
