एजेन्सी । इजिप्टलाई पराजित गर्दै सेनेगलले पहिलो पटक अफ्रिका कप अफ नेसन्सको उपाधि जितेको छ ।
आइतबार राति क्यामरुनमा भएको फाइनल खेलमा पेनाल्टी सुट आउटमा इजिप्टलाई हराउँदै सेनेगलले उपाधि जितेको हो ।
निर्धारित समय र अतिरिक्त समय गोलरहित बराबरीमा सकिएपछि खेल टाइब्रेकरमा गएको थियो ।
उक्त पेनाल्टी सुटआउटमा सेनेगल ४-२ ले विजयी बनेको हो ।
सेनेगलले तेस्रोपटक फाइनल खेल्दै पहिलोपटक च्याम्पियन बनेको हो ।
यसअघि सेनेगल सन् २००२ मा क्यामरुनसँग टाइब्रेकरमा ३–२ ले पराजित भएको थियो भने सन् २०१९ मा अल्जेरियासँग १–० ले पराजित हुँदै उपाधिबाट वञ्चित बन्नुपरेको थियो ।
यता, सेनेगलसँगको हारसँगै इजिप्ट आठौंपटक च्याम्पियन बन्न चुकेको छ । इजिप्टले १० पटक फाइनल खेल्दा ७ पटक उपाधि जितेको छ ।
