काठमाडौं । गुन्डा नाइके रिगल भनिने योगराज ढकाललाई राष्ट्रपतिबाट आममाफी दिईएकोबारे सर्वोच्च अदालतले जवाफ माग गरेको छ।
न्यायाधीश मनोजकुमार शर्माको इजलासले आममाफी दिनुको कारणसहित लिखित जवाफ पेश गर्न विपक्षीको नाममा आदेश दिएका हुन्। लिखित जवाफ असोज २४ गते ५ बजेभित्र पेश गर्न भनिएको छ ।
भारती मानन्धरले यही असोज १४ गते श्रीमान चेतन मानन्धरको हत्यारा रिगललाई आममाफी दिईएको भन्दै राष्ट्रपति पौडेलको निर्णयविरुद्ध सर्वोच्च अदालतमा रिट दायर गरेकी थिइन्।
विसं २०७२ सालमा रिगलको निर्देशनमा मानन्धरको नेपालगञ्जमा खुँडा हानी हत्या भएको थियो । अदालतले रिगललाई सर्वस्वसहित जन्मकैदको फैसला पनि गरेको थियो । तर यही असोज ३ गते संविधान दिवसका अवसरमा उनलाई सरकारको सिफारिसमा राष्ट्रपतिले आम माफी दिएका थिए ।
