जापान । कोरोना सक्रमण नियन्त्रण बाहिर जान थालेपछि जापानले फेरी आपतकाल घोषणा गरेको छ । प्रधानमन्त्री योसिहिगे सुगाले २५ देखी मेय महिनाको ११ सम्म लागु हुने गरी आज तेस्रो पटक आपतकालको घोषणा गरेका हुन ।
उनका अनुसार जापानको राजाधानी टोकियो सहित ओसाका, क्योतो र ह्योगोमा आपतकाल लागु हुनेछ । आपतकाल लागु भएका क्षेत्रमा रेस्टुरेन्ट बन्द गर्न र अरु ब्यवसायहरु बेलुका ८ बजे सम्म मात्रै गर्न आग्रह गरिनेछ ।
रेस्टुरेन्ट बन्द गर्दा हुन जाने आर्थिक नोक्सानलाई कम गर्न सरकार आर्थिक राहत उपलब्ध गराउने पनि प्रधानमन्त्री सुगाले घोषणा गरेका छन् ।
जापानले अघिल्लो बर्षको अप्रिल महिना देखी हाल सम्म ३ पटक आपतकाल घोषणा गरेको हो । कोरोना बिरुद्दको खोप अभियान सन्चालन भैरहे पनि सकृय सक्रमितको संख्या बढ्न थालेपछि पुनस् आपतकाल घोषणा गर्नुपरेको प्रधानमन्त्रीले बताएका छन् ।
