काठमाडौँ । इलेक्ट्रिक चुरोट ‘भेप’मा लुकाएर ल्याएको सुन तस्करी प्रकरणमा प्रहरीको केन्द्रीय अनुसन्धान ब्यूरो (सिआईबी) ले थप एक जनालाई पक्राउ गरेको छ ।
सिआईबीले चिनियाँ तस्कर दाओजिन वाङका चालक लोकेन्द्र कुमार पौडेललाई पक्राउ गरेको हो । दाओजिन सहितका चिनियाँ नागरिकले २०७९ पुस १० मा दुबईबाट तस्करी गरेर भेपमा सुन लुकाएर काठमाडौँ ल्याएका थिए ।
यसै प्रकरणमा सङ्लग्न रहेको आरोपमा सीआईबीले कृष्णबहादुर महराका छोरा राहुल महरालाई पनि पक्राउ गरेको थियो । सुन ल्याउने चिनियाँ नागरिक लुई र दाओजिन वाङसँग राहुलको ‘कनेक्सन’ देखिएपछि उनलाई पक्राउ गरिएको थियो ।
