काठमाडौँ । प्रहरीले काठमाडौँको टोखा नगरपालिका-३ बाट लङ्गुर बुर्जा खेलिरहेका ६ जना पक्राउ गरेको छ ।
विशेष सूचनाको आधारमा प्रहरी प्रभाग गोङ्गबुबाट खटिएका प्रहरीले आइतबार राति थापागाउँ पुलमा लङ्गुर बुर्जा खेलिरहेको अवस्थामा ६ जनालाई पक्राउ गरेको हो ।
प्रहरीले उनीहरूलाई नगद ३३ हजार २ सय २० रुपैयाँ, ६ वटा गोटी र १ थान खेल्ने पालसहित पक्राउ गरेको हो।
यस्तै, झापाबाट पनि जुवातास खेलिरहेको अवस्थामा तीनजना पक्राउ परेका छन् । बिर्तामोड नगरपालिका-५ बस्ने २५ वर्षीय धिरज अग्रवालको घर गोदाममा जुवातास खेलिरहेको अवस्थामा प्रहरीले अग्रवाल समेत ३ जनालाई पक्राउ गरेको हो ।
विशेष सूचनाको आधारमा इलाका प्रहरी कार्यालय अनारमनीबाट खटिएको प्रहरीले उनीहरूलाई नगद १ लाख ३६ हजार रुपैयाँ र १ बुक ताससहित पक्राउ गरेको हो ।
